الأحد. يونيو 26th, 2022

نوسطالجيا..أجمل ما في الدارالبيضاء

الفجر الجديد: متابعة

‏‎أجمل ما في الدار البيضاء 🇲🇦
أنك تكون ولد درب السلطان و كل حاجة كتعرف تشريها من المصدر ديالها وحتى واحد ما يدوز عليك الدكاكة فالأسعار: التوب والتمر والصباغة من درب ميلا، الفاخر من القريعة
المانط من زنقة الشمال ،الكتب من الحبوس،
الشوا من البلدية ،صحاب الحوت في درب الكبير
والطون عند كزوووم وابا التهامي
والشباكية عند هلتر والزرع من الرحبة
وكفتة الجمل و الكرعين من البلدية
وزيتون بالطون من مارشي الجميعة
والبياس الدورجين من القريعة
والزيتون من القاعة الحبوس
وبياس تلفون من اخماسي
إكسسورات من الشاوية
وتلفزيون و ثلاجة و الفران من كراج علال
و جلسات قهوة الرجاء والأزهار
وقهاوي بني مكيلد والبادية الرايب
دويرة في قيسارية
العدس واللوبيا و باسطيلة وثقلية من بنى امكيلد
شكون ينسى الدرع من عند ابا ادريس
ومول الكوك شكون ينسى الكرة في لارميطاج
وتصاورك في العركااااات
وكرارس لورمة في رمضان وبيروري
شكون ينسى الحفاري والمنجرة واستديو فولكا وعقبة الشلوح وقاعة الزيتون والحبوس والشاوية / القريعة والقيسارية قهوة الرجاء والوطن .درب اسبليون وبوشنتوف ودرب كبير ودرب بالعالية ودرب الفقراء كريكاوان/كريان كلوطي/درب الشرفة/درب المتر/الحبوس/حي المسجد/درب القريعة/ساحة السراغنة/
شكون ينسى ماتشات ملعب لاجونيس وأردلييس
دراري القدام الى يعقلوا على ملعب الشيلي في داخل لارميطاج الى لعبوا فيه اساطير كرة القدم المغربية من بيتشو الى الظلمي
ناسها الأوليين مأصلين فيها الله يعمرها دار و ما يمكنش ما يكونش عندك شي واحد عزيز عليك فيها و ما يمكنش تجي كازا و ما تضربش في درب السلطان شي دويرة سواء تكبر فيه أو تعيش فيه أو فيما عشتي عمرك تنسى طان طان درب السلطان.

اترك تعليقاً

لن يتم نشر عنوان بريدك الإلكتروني.